कैलाली । कैलाली जिल्लाको बर्दगोरिया गाउँपालिका वडा नम्बर २ मा रहेको आदर्श सामुदायिक विद्या मन्दिरको आयोजनामा १ दिने नि:शुल्क दन्त परिक्षण शिविर सुरु हुने भएको छ। विद्यालयका अनुसार माघ १६ गते शहिद दिवसको अवसरमा नि:शुल्क दन्त परिक्षण शिविर हुने विद्यालयले जानकारी दिएको छ। मालिका डेन्टल प्रा.लि क्लिनिक बौनिया र जेसिस बौनिया २०२४ बर्षको सहकार्यमा सुरु हुने भएको हो । उक्त निशुल्क दन्त परिक्षण शिविर बिहानको ११:३० बजे देखी ठिक ३ बजे सम्म संचालन हुने आदर्श सामुदायिक विद्या मन्दिरका प्रधानाध्यापक विकास थापाले जानकारी दिएका छन्।
आदर्श सामुदायिक विद्या मन्दिरका विद्यार्थीहरु माथि दातको कुनै पनि समस्या नहोस भन्ने उद्देस्यका साथ यो परिक्षण सुरु हुन् लागेको हो। हामीले बर्षमा पढाई मात्र नभई सबैमा ध्यान दिनु जरुरी हुन्छ। हामीले विद्यार्थीलाई थुप्रै अतिरिक्त क्रियाकलापमा पनि अगाडी बढाएका छौ त्यस क्रममा हामीले हाम्रा विद्यार्थीको स्वास्थ्यलाई मध्य नजर गरि १ दिने निशुल्क दात परिक्षण आयोजना गर्न लागेका हौ। यसै गरि आयोजक आदर्श सामुदायिक विद्या मन्दिरले जेसीस बौनिया २०२४ र मालिका डेन्टल प्रा. लि क्लिनिक बौनिया लाई धेरै धेरै धन्यवाद दिएको छ। 
